БАТА
Құрметті оқырман ел аузындағы бата-тілектерді жинасытырып назарларыңызға ұсына бастадық. Бұл игі іске алып-қосар ойыңыз немесе өз жаныңыздан шығарған, ел аузынан, қадірлі қариялардан естіген баталарыңыз болса alashainasy.kz сайтына пікір жазып немесе мына почтаға (alashbata@mail.ru) хат жолдаңыз!
***
Уа, Жаратқан Ием!
Халқымды даласымен сақта.
Елімізді данасымен сақта,
Сәбиді анасымен сақта
Азаматты санасымен сақта
Жұртымды қасірет-қайғыдан сақта
Халыққа төнген қауіптен сақта
Табиғи апаттардан сақта.
Уа, халқым бауырың бүтін болсын!
Сарқылмас құтың болсын!
Күніміз ұлысты болсын!
Жеріміз ырысты болсын!
Елбасы бірлікке себепті болсын!
Жаппар Ием жар болып
Бұл бата қабыл болсын!
Әумин, Аллаһу әкбар!
***
Құрдасыңа – қуаныш бол,
Сырласыңа – сынық бол,
Жылағанға жұбаныш бол,
Туысыңа тұнық бол,
Татулыққа - тамаша бол,
Ықыласқа – иық бол,
Ана алдында аласа бол,
Ар алдында биік бол.
Әумин
***
Атаның наласынан сақтасын,
Баланың шаласынан сақтасын,
Ағайынның аласынан сақтасын,
Жамандардың жаласынан сақтасын.
Әумин
***
Ағайының ала болмасын,
Ақыл-ойы шала болмасын,
Татулығы шырақ болсын,
Табыстары бұлақ болсын.
Бірлігіне біте түспесін,
Тірлігіне түте түспесін.
Жайраңдаумен күліп жүрсін,
Жақсыларды біліп жүрсін.
Әумин
***
Құдай пейіл тарылтпасын,
Қуаныштан арылтпасын.
Халқым ешбір қамықпасын,
Қасиеті шарықтасын.
Әумин
***
Ханның тағын берсін,
Игі жақсының бағын берсін,
Батырдың жүрегін берсін,
Балуанның білегін берсін,
Бидің әділ төресін берсін,
Кәрінің ақыл-кеңесін берсін,
Шебердің қолын берсін,
Шешеннің жолын берсін,
Ғалымның данасын берсін,
Сабырлының санасын берсін,
Бәйбішенің сабасын берсін,
Ақсақалдың тобасын берсін,
Төренің тектілігін берсін,
Сүрінбейтін ептілігін берсін.
Құданың адалын берсін,
Баланың талабын берсін.
Жүйріктің шаңдозын берсін,
Жігіттің жампозын берсін,
Алғанның аруын берсін,
Келіннің тәуірін берсін,
Серінің сәнін берсін,
Салдың әнін берсін,
Байдың дәулетін берсін,
Үйіп-төгіп бәрін берсін.
Әумин
Қошқарұлы Жәнібекке Қаракерей Соқыр Абыздың берген батасы
Кемеңгердің алғыр ойын берсін
Би-исми-л-лаһи-р-раһмани-р-рахим
Жас жұбайларға бата
Бірінші – ұзақ жасты өмірлі бол
Әуелі, құдай оңдай көр
Жарылқа, тәңірім, қабыл ет.
Ұлыс күні қазан толcа
Қарық қып құтты Наурыз
Құрдасыңа – қуаныш бол
Уа, жаратқан, жарылқа
Құдайдың өзі сөйтіп оңдасын
Бата жинағының сілтемесіне басыңыз
Әумин десең маған
Жас баланың күлкісін бер
Жаңбырсыз жаздан сақта
Анаға бата
