Баян Есентаеваның үлкен қызы Айсәуле мен оның сүйіктісі Әлішер БАҚ-қа сұхбат беріп, тойының қашан болатынын айтып берді деп хабарлайды NUR.KZ.
Олар 31 арнаның "Айта берсін" бағдарламасына эксклюзивті сұхбат берді.
Айсәуле мен Әлішер енді өздерінің жақын қарым-қатынастарын жасырмайтынын айтады. Бұдан былай Айсәуленің жігіті енді сүйіктісі жүргізетін Hola Show бағдарламасына қонақ болмақ.
Себебі, бұл жобаның идеясы да толық Әлішерге тиесілі екен. Баяннның болашақ күйеубаласы бағдарламаны жүргізгені үшін Айсәулеге тіпті гонорар да төлеп беретінін жасырмады.
Ал тойының қашан болатыны туралы сұраққа олар тосылып қалды.
"Тойыңыз анаңыздікімен тұспа-тұс келейін деп тұрған жоқ па?", - деген сұраққа Айсәуле өзі жауап берді.
"Әлі де аяққа тұрып, өз-өзімізді дамытуымыз керек. Уақыты келгенде той болады", - деп қысқа қайырды ол.
Ал қазір Айсәуле Америкадағы оқуынан академиялық демалыс алып, елде жүр.
Оның айтуынша, ол бастапқыда Лондондағы журналистер оқитын үздік оқу орнына түскен. Алайда сол жылы жігітімен танысқан ол бір жыл бойы қашықтықтан сөйлесіп жүрген. Осылайша, ол Дубайға оқуға аттанып,сол арқылы АҚШ-тағы оқу орнына түскен.
Жастардың айтуынша, олар АҚШ-та жатақханада емес, пәтер жалдап тұрған.