Әнші, актер Дидар Кәден сахнаға қайта оралмақ. Біраз жыл бұрын әншілік мансабын тәп-тәуір бастаған ол орта жолда кідіріп қалған болатын.
Енді әнші шығармашылық жұмысын қайта қолға алып, әншілігіне білек сыбана кіріспек. Алғашқы жұмысын да белгілеп қойыпты. Ақбота-Нұрмен дуэт орындамақ. Бұл туралы ол «Ревю» бағдарламасына берген сұхбатында айтты.
Ажырасқан қос әншінің біріккен жұмысы түрлі қауесетке сеп болатынын да біліп отыр. Бірақ бұл ешқандай пиар емес дейді әнші.
Айта кетейік, жақында Дидар Кәденнің бьюти-блогер, актриса Айым Алтынбековамен ажырасып кеткені белгілі болған еді.