«Ел іші, өнер кеніші» деген осы ғой. Қызылорда облысы, Жаңақорған ауданы, Түгіскен ауылында тұратын ерекше дарын иесі, танылмай жүрген талант Асылжан бір сәтте жұлдызға айналды, дейді BAQ.kz тілшісі.
«Нағыз таланттар ауылда жүр деген осы ғой. Кеше жолым түсіп Жаңақорған ауданы, Түгіскен деген ауылға барып едім. Жаңағы сөзге тағы бір көз жеткіздік. Ауылда қарапайым тракторшы болып жүрген Асылжан деген ағамыз екен бұл. 9 скоросты бар Беларус айдайтын Асекең алты шекті де азынатып тұр. Алматыда құрылыста жасап жүрген кезінде Республика Сарайында өткен "Наурыз Думан" атты концертте өнер де көрсеткен екен. Өнер жолын түбегейлі қумаса да, қара жұмыстан қолы босағанда гитарасын жаны сүйіп шертетін Асылжанды тыңдап көріңіздер. Сайқымазақ Сайлаубектен тұлға жасап жүрген сайтсымақтар, жарияласаңдар осындай тасадағы талантты жігіттердің өнерін жариялаңдаршы» - деп жазған болатын қызылордалық танымал жас ақын Мейірбек Сұлтанхан бір жыл бұрын.
Мейірбектің сөзін жерге тастамай, Ютубтағы арнамызға Асылжанның өнер көрсеткен қарапайым видеосын жүктеген болатынбыз.
Baq.kz