Астанада порно-театр ашылды
Жетіскен жеріміз осы болғаны ма? Астанада тұратын ерлі-зайыптылар өз үйлерінде порно-театр ашыпты. Оның атауы да бар. «Құмарлық классикасы» дейді.
«Экспресс К» газетінің хабарлауынша, аталған театрдың актері де, режиссері де – ерлі-зайыпты екеу. Олар өз аттарын ашық айтпайды. Алайда лақап аттарын жұртшылықтан жасырған жоқ: Ребекка мен Ураган. Барлық қойылымдар олардың пәтерінде ұйымдастырылады. Ал билеттер әлеуметтік желілер арқылы сатылады. Бағасы – 5 мың теңге. Театр «әртістері» әлемге танымал спектакльдерді қойып жүр. Оның ішінде Ромео мен Джульетта, Отело мен Дездемона да бар. Ал осы іспетті қойылымдардың соңында екеуі тән құмарлығына ерік береді. «Цензурасы жоқ театрды ашу идеясын менің әйелім ұсынды», - дейді Ураган. Оның айтуынша, театрға тек жұбайлар мен жалғызбасты әйелдерге ғана кіруге рұқсат бар.
«Меніңше, біздің қойылымдарымыз адамдарға қажет. Мәселен, бізге бір жас жұбайлар өз алғыстарын білдіріп, хат жазды. Сөйтсек, бұрын қалыңдықты зорлап кете жаздаған. Сол оқиғадан кейін оның бойында психологиялық бір қорқыныш пайда болды. Жігіті онымен үш жыл жүріп, жақындай алмады. Ал біздің спектаклімізді көргеннен соң, ол қыз психологиялық қорқынышын жеңіп, жан жарымен жақындасуға дайын болғанын сезді. Негізі, порно қойылымдар Астана мен Алматы сияқты қалаладың түнгі клубтарында да бар ғой. Кей кезде оған келушілер де қатысып жатады. Ол жасырын емес. Ал «Құмарлық классикасы» театры ондай емес. Бізге кез келген адам келе алмайды. Адамдардың киіміне де тиісті талаптар қойылып отыр. Олар кәдімгідей театрға келгендей кешкі көйлектер, галстук пен бабочканы киіп келуі тиіс», - дейді Ураган.
