Астана – түркі әлемінің мәдени астанасы

Елордадағы Бейбітшілік және келісім сарайында 24 ақпанда сағат 19.00-де «Астана-2012 – түркі әлемінің мәдени астанасы» жылының ашылу салтанаты өтеді.
ҚР Президенті Н.Назарбаев 2012 жыл­дың 27 қаңтарындағы Қазақстан хал­қына арнаған Жолдауында «Астана 2012 жылы түркі әлемінің мәдени астанасы» болып жарияланды. Осы халықаралық іс-шараларды лайықты өткізуіміз керек» деп мәлімдегені белгілі.  Ашылу салтанатынан кейін өнер шеберлерінің концерті ұйым­дас­тырылып, оған Қазақстанның халық әртісі Роза Рымбаева, халықаралық кон­курс­тардың лауреаттары Қыдырәлі Бол­ма­нов пен Қарақат Әбілдина, «Ұлытау» және «Кер­уен» топтары, сонымен қатар Әзір­байжан, Түркия, Қырғызстан, Татарстан, Баш­құртстан, Хакасия және Гагауз елде­рінен келген танымал фольклорлық ұжым­дар мен жеке орындаушылар өнер көр­сетеді.
Аталған іс-шара аясында 25 ақпанда сағат 17.00-де Бейбітшілік және келісім са­райында түркітілдес мемлекеттердің шы­ғармашылық топтарының қатысуымен ха­лықаралық фестиваль өтеді. Бұл іс-ша­ралар мәдениет пен өнердің дамуын ны­ғай­тып, Қазақстанды түркітілдес елдердің арасындағы мәдени ынтымақтастық са­ласында біріктіруші орта ретінде танытуды көз­дейді.