Алматыда белгiлi ыбырайтанушы ғалым, филология ғылымының докторы Әнуар Жақсығалиұлы Дербiсәлиннiң туғанына 80 жыл толуына арналған мерейтойлық кеш болып өттi.
Ә.Дербiсәлин – елiмiзге белгiлi көрнектi ғалым, ұстаз. Ол 1929 жылы Ақтөбе облысының Ойыл ауданындағы Қызылжар ауылында туған. Көп жылдар бойы М.Әуезов атындағы Әдебиет және өнер институтында, Қазақстан Ғылым академиясында қызмет еткен.
Атақты ғалым Ә.Жақсығалиұлы – үш монография мен бес зерттеу еңбектiң, әдiстемелiк оқу құралдары мен 200-ден астам ғылыми мақалалардың авторы. Ғалым қазақ әдебиетiнiң тарихын зерттеу iсiне үлкен үлес қосты. Оның, әсiресе, Ы.Алтынсарин мұрасын талдап жазған еңбектерiн ерекше атауға болады.
Кеште М.Әуезов атындағы Әдебиет және өнер институтының ғылыми қызметкерлерi, танымал ақын-жазушылар мен С.Қирабаев, Ә.Қайдар сияқты академик ғалымдар Дербiсәлин туралы естелiктер айтты.
Әнуар Дербiсәлиннiң 80 жылдығы аталып өттi
Последние статьи автора