Әлем – балалар көзімен

Кеше Қазақстан Республикасы тұңғыш Президентінің мұражайында «Мәдениет арқылы сұхбаттасу» халықаралық жобасы аясында қолға алынып отырған «Балалар ертегілер әлемінде» атты көрме ашылды. Көрмеге Шанхай ынтымақтастығы ұйымына мүше елдердің балалары салған 300-ден астам сурет қойылды.
Аталған шара елордада бүгін өз жұмысын бастайтын Әлемдік және дәс­түр­лі діндер басшыларының ІІІ съезіне орайластырылып отырғандықтан, көр­ме­нің салтанатты ашылуына съезге қатысу­шы шетелдік делегаттардың үлкен тобы қа­тысты.
Балаларға арналған көрмені ұйым­дас­тырушылардың бірі Ш.Марджани атын­­дағы қордың вице-президенті Мұрат Заргишевтің айтуынша, бұл игі бас­та­ма – Шанхай ынтымақтастық ұйымы­на мүше елдер арасында ұзақ жыл­дар бойы ұйымдастырылып келе жат­қан жо­ба­лар­дың бірі. Ең алғашқы көр­ме ке­зін­­де Қытайда ашылған. Қазіргі уақыт­­та осы шара аясында көрмеге қатысу­шы ба­­лалардың қолымен бірнеше мың­да­ған суреттер салынды. Мұның ал­дын­да Тәжікстан мен Ресейде болған көр­ме Қа­зақ­станнан кейін Қырғызстанда жал­ғас­пақ.