АЛАШ СӨЗІ

Газет шарапаты
Сафуан Шаймерденов
(1922-2007)
Бізде портфелін толтырып, күлді-ба­дам бірдемелерін алып келіп столға тастап, ар жағындағы шығарма тағды­рын редакциядағыларға ұстата салатын жазушылар да бар. Қырық жыл ішінде газетте көптеген журналист азамат­тар­мен қызметтес болдым. Газетте тілші болып істегенімді осы ретте сағынамын. Өзімнен кейінгі журналистерге, газет қызметкерлеріне құлаққағыс етерім – еш жерде, қайбір жағдайда болмасын: «Мен газет қызметкерімін!» – деп кеуде көтеріп, піскен кезім болған емес.
...Қаламымды қара басымның қа­мы­на пайдаланған жерім жоқ.
 «Газет шарапаты» мақаласынан.
«Ленин туы», 1980 жыл

Қазақстанның Халық жазушысы, Мем­лекеттік сыйлықтың лауреаты Са­фуан Шаймерденов Қазақстан Жазу­шылар одағы басқармасының хатшысы, 1970-1975 жж. Қазақ КСР Мәдениет министрлігі репертуарлық коллегия­сы­ның бас редакторы қызметтерін атқар­ған.
Ол ұлы Мұхтар Әуезовтен тәлім ал­ған. Әдебиетімізге 50-жылдары келген тегеурінді толқынның алдыңғы сапында болып, қазақ әдебиетінде өзіндік үні  мен қолтаңбасын қалдырып, өз орнын айшықтаған қабырғалы қаламгерлердің бірі Сафуан Шаймерденов қазақ про­засына психологиялық қатпары мол, реалистік көркем дүниелермен қайта­ланбас қолтаңбасын қалдырды.