«Айтұмар» ән шырқайды

Бүгін кешкі сағат  19:00-де Алматыдағы Өмірбек Жолдасбеков атындағы Студенттер сарайында «Ару–Ана» продюсерлік орталығының ұйымдастыруымен «Айтұмар» тобының шығармашылық концерті өтеді.

Қазақ ән өнеріне өзіндік үнімен қызмет етіп жүрген қос талант – Елнұр Нұрқожаева мен Жадыра Қанапиянова бүгінде Қазақ мемлекеттік қыздар педагогика универ­ситетінің қызметкерлері. Еліне әннен шашу шашып жүрген екі қыздың өнердегі жолы­на демеу болып, үлкен сахналардан көрі­нуіне мүмкіндіктер жасап жүрген жан – ұлт руханиятының жанашыры, белгілі продю­сер Сара Шаяхметқызы. Талантты қыздар­дың репертуарында қазақтың ха­лық әнде­рінен бастап бүгінгі компози­торлардың туындылары бар. Ән кешіне Роза Рымбае­ва, Айгүл Үлкенбаева, Алтынай Жора­бае­ва, Бану Тұрғымбаева сынды танымал өнер жұлдыздары қатысады. «Ару ғұмыр – қыз­ғалдақтай қыз ғұмыр» деген атпен өтетін кеш барысында сондай-ақ биші Бану Тұрғынбаева, Алматы облысы, Ала­көл ауданынан шақырылған «Екпінді ақ әжелер» ансамблі шақырылған.
Газетіміздің алдағы сандарында осы концертті ұйымдастырушы, «Ару – Ана» про­дюсерлік орталығының жетекшісі, ҚР Мә­де­ниет қайраткері Сара Шаяхметқызы­мен болатын келелі сұхбат оқи аласыздар.