Айқын Төлепберген сәукеле киіп, төсін жалаңаштаған аруға қатысты пікірін айтты. Әнші әлеуметтік желіде азулы жазба жариялап, Шырын Нарчаеваны сынап тастады деп жазады NUR.KZ.
Айқын Төлепберген өзінің Instagram парақшасында жалаңашталып танылған бойжеткенге қатысты өз ойын жеткізді. Шоу-бизнес жұлдызы Шырын Нарчаеваны елден қууды талап етіп жатқан әріптестерінің үндеуіне толықтай қосылатынын айтты.
"Басында мен де "қойшы осыны, атын шығара алмай, жер өртеп жүрген қыз ғой" - деп көңіл бөлмедім. Бірақ мына қылығы тіпті басқа қонымсыз. Ата-бабамыздан қалған ұлттық киіміміз неге заң бойынша қорғалмайды осындай жындылардан. Неге ұлттық киімді әнұран, жалау сияқты "рәміздер туралы заңға" енгізбеске.
Сәукеле киіп саусағын шошайту, үстіне туымызды жамылып, жалаңаш тұрып ерсі қылық істегенмен бірдей! Заң бойынша жауап бергізу керек бұл жындыға! Ұяда не көрсе, ұшқанда соны түлейді дейді. Мына сұмдыққа жеткенімізге кім кінәлі? Әрине ата-ана өзңміз кінәлі. Ел болам десең бесігіңді жөнде деген. Енді міне, жүгенсіз жүрген мына қызды кім жөндейді?
Сәукеле ұзатылып бара жатқан қыздың өмірінде бір-ақ рет қана киетін бас киімі. Мына қыз оны жалаңаш женесіне кигенімен қоймай, факю көрсетіп тұр. Бұл қыздың анасы бар ма, бар болса қайда қарап жүр? Әлде қызының жалаңаш денесін осылай сатып, содан табыс тауып жүр ма" , - деп шүйлікті әнші.
Айта кетейік, бұған дейін сәукеле киіп, шешінген қазақ қызы халықтың ашуын тудырған болатын. Өзіне айтылған керағар пікірлер салдарынан ару қоқан-лоққыға тап болып, желіге жылаған видеосын жүктеді.
Уақыт өте, бойжеткен көптің күткен "кешірім видеосын" жүктеп, елді одан бетер ашуландырды. Ол бейнежазба басында елден кешірім сұрағандай болып, артынан әзілдеп тұрғанын айтты. Желідегілер арудың өзін мазақ қылып отырғанын жазып, оған ауыр сөздерді қарша боратқан.
Олардың бірі отандық журналист Бибігүл Дәулетбекқызы атышулы аруды елден қууды талап етіп, Ішкі істер министріліг мен Бас прокурорға үндеу жолдады.
Оның үндеуіне отандық әнші Асхат Тарғын қосылды. Оған, қоса аруға шүйліккен Шымкент азаматы оның үстінен арыз жазды.
Шырын Нарчаева өз кезегінде, өзін елдн қууды талап еткен журналиске әлеуметтік желі арқылы жауап берген.