Айнұр Ілиясова кино стиліндегі ерекше қызойнақ өткізді (фото)

Жуырда тұрмысқа шығатын Айнұр Ілиясова өнер мен өмірдегі достарының басын қосып, қызойнақ өткізді. Аталған кешке танымал жұлдыздар белгілі бір кино кейіпкерінің образында киініп келді. Бұл туралы Stan.kz сайты хабарлайды.
Күні кеше танымал фильмдерге түскен актриса Айнұр Ілиясова тұрмысқа шыққалы жатыр. Жасы отызға таяп қалған бойжеткенге сүйіктісі романтикалық ұсыныс жасамаған екен. Бар болғаны, көптен бері таныс екендерін айтып, отбасын құрғысы келетіндігін жеткізген. Бойжеткен той қамын реттеп, қыздар арасындағы отырысты да ұйымдастырып үлгерген.

Оның қуанышын бөлісуге қазақ шоу-бизнесінің өкілдері мен өмірдегі достары келген. Ілиясованың қыздар арасындағы бас қосуы өте ерекше стильде ойластырылған. Ол өзінің достарына белгілі бір кино кейіпкерінің стилінде киініп келуді тапсырған.

Арасында сүйікті құрбысы үшін кекіл кескендер де бар екен.

Кешке бірі Мерилин Монроның образына еніп келсе, енді бірі Малефисентаға ұқсауды жөн көрген. Тіпті, басына мүйіз тағуды да артық санамаған.