«Айман-Шолпанды» тыңдағыңыз келсе...

Құрманғазы атындағы Қазақ мемлекеттік академиялық оркестрінің үлкен залында 26 сәуір күні сағат 18.30-да Батыс Қазақстан облысының Ғарифолла Құрманғалиев атындағы филармония әншісі, Қазақстанның еңбек сіңірген қайраткері Қатимолла Бердіғалиевтың орындауында халықтың «Айман-Шолпан» эпостық жыры жырланады.
«Мен алпыстың асқарына шыққан ша­ғымда «Айман-Шолпан» жырын қи­налмастан төрт айдың ішінде жаттап ал­дым. Бұған дейін осы жырды Ақ Жайықта жыр­лап, дүйім жұрттың ықыласына бө­лен­гендей болдым. Енді өнер орталығы – Ал­маты халқын жыр өлкесіне саяхат жа­сатып қайтуды жөн көрдік», – дейді әнші, жыршы, ақын Қатимолла Бердіғалиев.
Бір жарым сағат жырланатын жырдың та­ғылымдық мәні зор. Жырда XIX ға­сыр­дың алғашқы жартысында батырлықтың азып, ел ішінде тентектіктің көрінісі пайда бо­ла бастаған уақыты бейнеленеді. Кіші жүз шөмекей руында ас беріледі. Маман бай мен Көтібар батыр ас берген рудың ал­тындаған жалғыз үйіне таласады. Оқиға шие­лінісіп барып Айман қыздың ақы­лымен, Арыстандай жас батырдың сал­мақ­тылығымен жауласқан екі ел құ­дан­даласып, жыр мамыра-жай аяқталады. Кө­не мақамды жаңғыртып, өлең-жырдан сусындататын кешті өнерсүйер қауым ерекше қабылдайды деп сенеміз.