70 жылдық мерейтой алауы жағылды

Жуырда Қазақ мемлекеттік қыздар педагогикалық университетінің 1 курс студенттерін студенттер қатарына қабылдау рәсіміне арналған салтанатты жиында қасиетті қара шаңырақтың 70 жылдық ме­рей­тойының алауы ресми түрде жағылды. Абай атындағы Қазақ мемлекеттік академиялық опера және балет театрында өткен мерейтойлық шараға белгілі ақын-жазушылар, ғалымдар, ЖОО басшылары қатысты.
«Өткеннің өнегесі – бүгіннің баға жет­пес байлығы» атты салтанатты шара уни­верситет алауын алып жүгірген эстафеталық ма­рафонның қызықты сәті бейнеленген фильммен басталды. Бұл ме­рей­той алауы 23 қазан күні оқу ордасының ардагер ұстаздары, проректорлары, сон­дай-ақ Ермахан Ыбырайым, Майя Манеза се­кілді Олимпиада чемпиондарының қо­лы­нан өтіп, Қыздар университеті қала­шығын то­лық шарлап, бас оқу ғимаратына жет­кізілген болатын. Алау осы күнге дейін сол жер­де сақталып келді. Эстафеталық ма­рафон арқылы жағылған мерейтойлық алау Қыздар университетінің 70 жылдық ме­рейтойының тұсаукесері болып са­налады.
Фильмнен кейін сахнаға көтерілген Қыз­дар мемлекеттік педагогикалық уни­вер­ситетінің ректоры Динар Нөкетаева бас ғи­маратта сақталған алауды бірінші про­рек­тор Баходир Алиевтен салтанатты түрде алып, ел алдында алау ошағын тұтатты. Қыздардың табиғатынан хабар беретін тұ­танған әдемі гүл тектес мерейтойлық алау ла­пылдап жанған кезде айналасына ерек­ше шуақ шашып, студенттердің бойына ерек­ше жалынмен әсер етті. Олимпиадалық ойын­дарда ғана болатын бұл көрініс 70 жыл­дық тарихы бар Қыздар уни­вер­си­тетінің Қазақстан білім-ғылымы сала­сын­дағы өзіндік алтын діңгек екенін айғақтап бер­гендей.
Одан кейін сөз алған оқу орнының бас­шысы Динар Нөкетаева: «Қыздар уни­вер­си­теті – қаракөз қыздарға білім мен дәс­түрлі тәрбиені қатар беріп отырған парасат мектебі. Осы мерзім ішінде киелі оқу орны мектеп мұғалімінен бастап қоғам қай­рат­ке­ріне дейін танымал өз түлектерін тәр­бие­леп шығарды. Бұл білім ұясынан ұшқан әр­бір түлек қоғамда өз орнын таба білетін бі­лікті де кәсіби маман деп зор сеніммен ай­та аламын», – деп сапқа жаңа қосылған шә­кірттерді «Мен – Қыздар университетінің сту­дентімін!» деген атқа лайық болуға шақырды.
Қыздардың мерейтойлық қуанышына ортақтаса келген құрметті қонақтар – елі­міз­ге белгілі ақын-жазушылар, танымал тұл­­ғалар мен ғалымдар сахна төріне шы­ғып, жүректері толқып тұрған 1-курс сту­дент­теріне игі тілектерін жеткізді.
Кеш барысында 1-курс студенттері ант беріп, оларға білім кілті, сынақ кітапшасы, сту­денттік билеттері салтанатты түрде та­быс етілді. Салтанатты жиын соңы кон­церт­тік бағдарламаға ұласып, елімізге әйгілі «Ай­гүл», «Ұлар» ансамбльдері, «Томирис» би ансамблі, 85 әншіден құралған уни­вер­си­теттің хор ұжымы, 50 өнерпаздан тұ­ратын ұлт-аспаптар оркестрі және қазақ эс­традасының жұлдыздары өнер көрсетті.
«Қыздар университеті» медиа орталығы