66 жылдық тарихы бар кілем мұражайға тарту етілді

Абай мұражайы құнды жәді­гермен толықты. Ұлы ойшылдың 100 жылдық мерейтойында  Абай бейнесі бейнеленген, қолдан тоқылған кілем сыйға келген. Сол зат күні бүгінге дейін ақынның шөбересі Ғазел Жағы­парқызы Мағауинаның  үйінде сақталып келіпті. Ғазел апа дү­ние салар алдында осы жәдігер­ді Абай мұражайына тапсыруды туыстарына аманат етіпті. Сол аманатқа қиянат жасамай, Ғазел Жағыпарқызының туыстары кілемді таяуда мұражайға әкеліп тапсырды. 
Мұражай қызметкерлері «бұл – таптырмас жәдігер әрі үлкен олжа» деп отыр. Тықыр кілем техникасымен тоқылған құнды жәдігердің орта тұсында Абайдың шың басында қа­ғаз-қалам ұстап отырған бейнесі бейне­ленген. Бірақ кілемді кімнің тоқығаны бел­гісіз. Бір белгілісі – оны ақынның бір ға­сыр­лық мерейтойына арнайы тоқып әкел­ген. Мамандар кілемді, бәлкім, сол кезде Ғазел апаға сыйға тартқан болар деп топ­шылап отыр.