Қазақстан президенті Қасым-Жомарт Тоқаев Геннадий Головкинді бүгінгі жеңісімен құттықтады. Мемлекет басшысы өзінің Twitter парақшасында GGG-ге қатысты жазба жариялаған деп хабарлайды KAZ.NUR.KZ.
"Еліміздің мақтанышы – Геннадий Головкин кезекті сенімді жеңісімен қазақстандықтарды қуантып, тағы да өзінің жігерлі рухы мен шеберлігін көрсетті! Жарайсың, Гена! Қазақстандықтар қашан да сені мақтан етеді! Жеңіс құтты болсын" , - деп жазды Тоқаев.
Оған қоса, президент Қазақстан тұрғындары өз чемпионын мақтан тұтатынын жеткізді.
Айта кетейік, Геннадий Головкин Стив Роллсты төртінші раундта нокаутқа жіберіп, жеңіп кетті. Отандасымыздың канадалық боксшыны құлатқан сәтінің видеосы желіде тарап кетті.
Оған қоса, GGG-Роллс андеркардында тағы екі қазақстандық боксшы жұдырықтасты. Әли Ахмедов өз жекпе-жегін уақытынан бұрын аяқтаса, Бахтияр Эюбов қарсыласынан жеңіліп қалды.