Әл-Фараби атындағы ҚазҰУ-дың (www.kaznu.kz) жоғары оқу орнына дейінгі білім беру факультетінің деңгейінде әл-Фараби атындағы ҚазҰУ-ң «ҮІ Халықаралық Фараби оқулары» аясында халықаралық студенттер мен жас ғалымдардың «Фараби Әлемі» атты ғылыми конференциясы ұйымдастырылды.
Бұл конференция арнайы мамандандырылған интернет-платформалары арқылы әл-Фараби атындағы ҚазҰУ-ң шетелдіктердің тілдік және жалпы білім беру дайындығы кафедрасының оқытушыларының ұйымдастыруымен және Қытай, Корея, Ауғанстан, Түркия, Филиппин, Германия, Испания, Швейцария, Жапония және басқа да елдерден қазақ және орыс тілдерін оқып жатқан шетелдік студенттердің онлайн түрде қатысуымен қазақ, орыс, ағылшын тілдерінде онлайн түрде студенттер конференциясы өткізілді.
Бұл Халықаралық студенттер конференциясы кафедра жұмысының нәтижесін көпшілікке кеңінен таныстыруға зор мүмкіндік берді. Шетелдік студенттер осы халықаралық студенттер мен жас ғалымдардың ғылыми конференциясына белсене қатысып, өз білімдерін көрсетті.
Конференция жұмысы жаратылыстану-математика, гуманитарлық, медицина-биологиялық және техникалық ғылым салаларының түрлі бағыттары бойынша өткізілді. Әртүрлі кең көлемдегі мәселелерді қамтитын және ғылыми өзекті болып табылатын ауқымды тақырыптардағы мақалалар тыңдалып, қызу талқыланды.
Конференцияға дүние жүзінен 57 елдің (Қазақстан, Ауғанстан, Испания, Жапония, Сомали, АҚШ, Монғолия, Қытай, Оңтүстік Корея, Түркменстан, Швейцария, Италия Франция, Туркия, Германия, Иран) жоғары оқу орындарынан 74 шетелдік студент қатысты.
Конференцияға барлық қатысушылар рет-ретімен өз баяндамаларын оқыды, әртүрлі тың тақырыптар тыңдалды, баяндамашылар баяндама барысында туындаған сұрақтарға жауап берді. Конференция барысында студенттер тарапынан бірқатар құнды пікірлер, ұсыныстар айтылды.
Баяндамаларымен қатысушы шетелдік студенттердің дайындықтарының жоғары деңгейде болғанын атап өтуге болады. Ғылыми жоғары деңгейдегі баяндамалар І,2,3 орындарға ие болды.
«Фараби Әлемі» атты халықаралық студенттердің ғылыми конференциясы ғылыми-мәдени диалог түрінде шетелдік студенттердің өздерінің белсенді қатысуымен жоғары деңгейде өтті.
Ж.Е. Жаппасов., А.Е. Саденова.
Әл-Фараби атындағы Қазақ ұлттық университеті
Жоғары оқу орнына дейінгі білім беру факультеті