Мектеп оқулықтары планшетке ауыстырылмайды - Министр

Цифрлық даму, инновациялар және аэроғарыш өнеркәсібі министрі Бағдат Мусин оқу-ағарту министрлігі мектеп оқулықтарын планшеттерге ауыстыру туралы пікірінен айнып қалғанын айтты, - деп хабарлайды Alashainasy.kz тілшісі Вaribar.kz-ке сілтеме жасап.

БАҚ өкілдері министрден оқулықтарды планшетке ауыстыру идеясы туралы сұрады.

- Бізге ұсыныс жасау тапсырылғандықтан, біз оны тұжырымдап, оқулықтың орнына планшет қолдануды ұсындық. Бірақ салалық министрлік – оқу-ағарту министрлігі бұл мәселемен айналысып, қазір инновацияны енгізудің басқа әдісін ұсынып отыр. Олардың әдісі басқа, пікірі бөлек. Біз олардың пікіріне сүйенеміз, – деді министр үкімет отырысында.

Министрдің айтуынша, кластарда интерактивті панельдерді қолдану жоспарланып отыр.