7-8 сәуір күндері «әл-Фараби» ғылыми кітапханасында «әл-Фараби және қазіргі заман» атты II халықаралық Фараби форумы өтеді. Бұл туралы ҚазҰУ-нің сайты хабарлады.
Айтулы шара Әбу Насыр әл‐Фарабидің 1145 жылдығына, Қазақ хандығының 550 жылдығына, Қазақстан халқы Ассамблеясы жылына, «Алматы ислам әлемінің астанасы-2015» жылына арналып отыр.
Форум жұмысының негізгі бағыттары Шығыс пен Батыс тоғысындағы әл-Фараби философиясы, әл-Фараби және Ислам мәдениеті, әл‐Фарабидің ғылымдарды жіктеуі және қазіргі жаратылыстанудың өзекті мәселелері болып табылады. Сондай-ақ XXI ғасырдың инновациялық әлеуеті және тұрақты даму перспективалары, техногенді өркениет шындығындағы әлеуметтік ғылымдар, Қазақстанның мәдени және әлеуметтік‐саяси дамуының өзекті мәселелері жастар көзқарасы тұрғысынан қарастырылады. «Al-Farabi university Smart city - инновациялық университеттің моделі» пікірсайыс алаңында қатысушылар өз ойларын ортаға сала алады.
Фараби форумы аясында Оңтүстік Қазақстанның «Алтын сақинасы» мәдени-этнографиялық турын ұйымдастыру жоспарланған. Екі күндік тур бағдарламасында Қарахан, Бабажы қатын мен Айша Бибі кесенелерін (Тараз қаласы), Арыстан баб кесенесі, Отырар ортағасырлық қала орны, Қожа Ахмет Ясауи кесенесі, Қылует жерасты мешіті, Рәбия Сұлтанбегім кесенесі, Түркістан тарихи мұражайы (Оңтүстік Қазақстан облысы) сынды тарихи нысандарға бару көзделген.
II халықаралық Фараби форумы өтеді
Читайте также
Әкімқаралар қазақ мектептерін ашуға неге құлықсыз?!
Оқушы тоғызқұмалақтың электрондық бағдарламасын жасады
Шымкентте әдет-ғұрып және салт-дәстүр орталығы салынды
Ахмет Байтұрсынұлы ордені үздік ұстаз-ғалымдарға табыс етілді
Мұхтар Құл-Мұхаммед қазақ ғылымын дамытудың жолын ұсынды
Балам ақылды болсын десеңіз...
Последние статьи автора