Биыл медицина және фармацевтикаға қанша грант бөлінеді

Биыл медицина және фармацевтика саласы бойынша білім алу үшін талапкерлерге жоғары және жоғары оқу орындарынан кейінгі ұйымдардан қанша орын бөлінетіні белгілі болды, - деп хабарлайды Alashainasy.kz тілшісі "ҚазАқпарат"-қа сілтеме жасап.

Ашық НҚАпорталында жарияланған Денсаулық сақтау министрінің бұйрық-жобасында көрсетілгендей, биыл мемлекеттік тапсырыс негізінде еліміздегі ЖОО-ларда мына мөлшерде орын бөлінеді:

- мемлекеттік тапсырыс аясында жоғары және жоғары оқу орнынан кейінгі білім беру ұйымдарында медициналық және фармацевтикалық білімі бар мамандарды даярлау үшін 1 100 орын орын;

- медициналық және фармацевтикалық білімі бар мамандарды даярлау үшін жоғары және жоғары оқу орнынан кейінгі білім беру ұйымдарында конкурс негізінде 1 600 орын;

- медицина кадрларын даярлауды жүзеге асыратын жоғары және жоғары оқу орнынан кейінгі білім беру ұйымдарында медициналық және фармацевтикалық білімі бар мамандарды даярлауға конкурс негізінде 275 орын;

- медицина кадрларын даярлауды жүзеге асыратын және ерекше мәртебесі бар жоғары және жоғары оқу орнынан кейінгі білім беру ұйымдарында медициналық және фармацевтикалық білімі бар мамандарды магистратурада даярлауға 50 орын;

- жоғары оқу орнынан кейінгі ұйымдарда медициналық және фармацевтикалық білімі бар мамандарды PhD докторантурада даярлау үшін 160 орын;

- жоғары оқу орнынан кейінгі медициналық білімі бар мамандарды резидентурада даярлау үшін 2500 орын бөленеді.

Аталған орындар қандай оқу орындарынан бөлінетіні туралы толық ақпаратты мына сілтеме бойынша өтіп, көруге болады.

Бұйрық-жобасы 25 шілдеге дейін көпшілік талқылауда болады.