Абай атындағы ҚазҰПУ мен ҚазМемҚызПУ біріктірілетіні рас па?
Абай атындағы ҚазҰПУ мен ҚазМемҚызПУ біріктілетін болды деген сыбыс халық арасында тарқап кетті. «Жел тұрмаса, шөптің басы қимылдамайды» дегендей аталмыш екі ЖОО-ның бірігуі де бек мүмкін.
Естеріңізде болса, бірнеше күн бұрын Қаныш Сәтбаев атындағы Қазақ ұлттық техникалық зерттеу университеті мен Қазақ-Британ техникалық университеті біріккен болатын. Осы жағдайдан кейін студенттер мен ата-аналар біраз алаңдаңдаушылық білдіріп, дипломдарын қай университеттің атынан алатындарын білмей даурыққан еді.
Осындай жағдайдан соң Білім және ғылым министрінің міндетін атқарушы Тахир Балықбаев екі оқу орнының бірігуіне қатысты былай деп түсінік берген болатын: «Екі оқу орнының да студенттері оқуларын жалғастыра береді және тәмамдағанда қазір оқып жатқан оқу орнының дипломын алады. Қазіргі таңда оқу орындарының бөлімдерін қайта құрылымдау және қызметкерлерін қысқарту қаралып жатқан жоқ» -деді.
Алдағы уақытта «Абай атындағы ҚазҰПУ мен ҚазМемҚызПУ біріктіледі» деген сыбыс рас болып шықса, онда ректорлық қызметпен бір ректор қош айтысуға тура келеді. Аталмыш екі оқу орынды біріктіру жайлы Білім және ғылым министрлігі тарапынан әлі айтылған жоқ. Десе де, алдағы уақытта еліміздегі ЖОО-дың бірнешесін біріктіреді деген болжам бар.
