12 жастағы алматылық вундеркинд Абзал Мырзаш Қазақ-Британ техникалық университетінің грантын иеленді. Бұл туралы баланың әкесі Дәуренбек Нысанов Facebook-тегі жеке парақшасында жазды, деп хабарлайды Baq.kz ақпарат агенттігі.
«Менің ұлым Абзал Мырзаш бүгін ректордың қолынан ҚБТУ-да грантпен оқуға сертификат алды», - деп жазды ол.
Бақытты әке жоғарғы оқу орны басшылығына ұлына қолдау білдіргені үшін алғыс айтуды да ұмытпады.
Естеріңізге сала кетейік, Абзал Мырзаш биыл мектепті бітіріп, ҰБТ-дан 117 балл алған болатын. Қазақстанның төрт оқу орны баланың жетістіктерін естіп, тегін оқуға мүмкіндік ұсынған. Олардың арасында ҚБТУ да бар.