Hyundai компаниясы жаңарған Elantra-ның алғашқы суретін жариялады. Өз отанында Avante деп аталатын модельдің буын ауыстырғанына көп болған жоқ, сондықтан көп өзгеріс болмайды. Дегенмен жаңарған көлікті қазіргісінен оңай ажыратасыз, - деп хабарлайды Alashainasy.kz тілшісі Кolesa.kz-ке сілтеме жасап.
Elantra/Avante жіңішкеріп, радиатор торының пішіні мен құрамы өзгереді, бамперін бойлай ауа тартқыш құратын қондырмалар тұрады.
Одан бөлек марка седанға алдыңғы бөлігін қақ бөлетін көлденең тақтайша орнатады.
Артқы бамперінде U тәрізді қондырма болады. Фотодан шам пішіні өзгермеген сияқты көрінеді, бірақ шанағының артқы тіреуінде жаңа сәндік элементтер пайда болыпты.
Интерьері бұрынғы қалпын сақтайтын сияқты. Жария болған жалғыз суретте көлік салонының қазіргіден айырмашылығы байқалмайды. Тек түсі өзгеше.
Компания техникасына қатысты мәлімет бермеді. Тұсаукесері қашан өтетіні де белгісіз. Жаңа Elantra алдымен Оңтүстік Кореяда сатылады. Қазір онда төрт есікті машинаның ең арзаны 19 млн вона (шамамен 6.4 млн теңге) тұрады.