Reuters таратқан ақпаратқа сүйенсек, Германия мен Люксембургтегі Hyundai және Kia кеңселерінде тінту жүрді, - деп хабарлайды Alashainasy.kz тілшісі Кolesa.kz-ке сілтеме жасап.
Кореялық автоөндірушілер дизельді қозғалтқыш үшін белгіленген экология нормаларын айналып өтуге мүмкіндік беретін арнайы құрылғы орнатты деген күдік бар. Болжам бойынша Еуроодақ аумағында сатылған 210 мың автомобиль талапқа сай келмейді.
Шенділердің ресми мәлімдемесіне сай заңсыз бағдарламалық жасақтама BorgWarner group-тың бір бөлігі саналатын Bosch пен Delphi-ден алынуы мүмкін.
Тексеріс болғанын растаған Hyundai Motor басшылары билікке жәрдемдесетінін хабарлады.