Алматтың әзілдері

Оқу бөлімінің басшысы журналистерге:
– Оқулықтар жетіспейді деген әңгіме қайдан шығып отыр? Менің де ұл-қыздарым, туысымның балалары  мектепте оқиды, бірақ олар ешқашан «бізге оқулық жетіспейді» деген емес...
***
Керек кеңес:
«Әріптесіңді тыңдай білу – жақсы қасиет, ал тыңдап отырғандай кейіп таныта білу – талант!»
***
Бойжеткен қыз жігітпен кездесіп тұр:
– Көңіл күйің болмай тұр ғой?..
– Түнімен ұйықтай алмай, мазасызданып шықтым.
– Мені ойлап па?
– Масалар маза бермей...
***
Аудиториядағы сабақ үстінде.
Оқытушы:
– Ақымақ адаммен сөз таластырып қажеті жоқ.
Студент:
– Мен сізбен сөз таластырып тұрған жоқпын ғой.
***
Шағым түсіруші кісі сотқа:
– Өмірде әділдік бар ма өзі?
– Бар, бірақ ол өте қымбат тұрады.