Хиджаб кисең, тізімде тұрасың

Облыста болып жатқан соңғы жағдайлардың салқыны білім беру мекемелеріне жеткен сыңай­­лы. Жаңа оқу жылы баста­лысымен, Ақтөбе облысының білім басқармасы хиджаб киетін оқушы қыз балалардың тізімін жасауда. Бұл туралы басқарма бастығының орынбасары Жол­дас Нұршин Ақтөбе облыстық ішкі саясат басқармасы жанынан құрылған қоғамдық-саяси кеңестің кезекті отырысында мәлімдеді.
Балалар дұрыс дін мен бұрыс ағымның ара-жігін ажырата білуі тиіс. Ал облыс мектептерінде мамандар жетіспейді. Дін­тану негіздерін арнайы курстарда оқып кел­ген тарих пәнінің мұғалімдері жүргізу­де.
Сондай-ақ дәстүрлі емес діни ағымның арты неге соқтыратынын жастарға түсіндіру мақсатында орта арнаулы оқу орындары мен ЖОО студенттеріне  «Адасқандар» де­рек­ті фильмі көрсетілуде. Фильмде «Терро­ризм» бабы бойынша істі болған ақтөбелік Еркін Досқалиев туралы баяндалады.