Түркістан облысында мейрамханалар балаларға арналған спорт секцияларына айналды
Түркістан облысында бос тұрп қалған мейрамханалар қайта “тірілді”. Олардың орнына енді балалар үшін тегін спорттық және шығармашылық үйірмелер ашу туралы шешім қабылданды. Арыс қаласындағы бұрынғы салтанат залдарында спорттық кілемдер төселіп, хореография сабақтарына арналған айна қойылған, деп хабарлайды Хабар 24 арнасына сілтеме беріп Stan.kz ақпарат агенттігі.
Мейрамханалар спорт секциясы залдарына айналды. Қымбат люстралар алынбаған. Балалар шығыс стилі мен сән-салтанатпен әшекейленген ортада дайындалады.
“Мен ер жеткенде Бекзат Саттарханов сияқты спортшы болғым келеді. Осыған байланысты мен үйірмелерге қатысып, күн сайын дайындаламын. Маған спортпен шұғылдану ұнайды”, – дейді Ақдала кентінің тұрғыны Амантұр Амантай.
Ақдала кентіндегі тойхана ұзақ уақыт тұрып қалған. Ауыл тұрғындары үйлену тойлары мен отбасылық мерекелерді жиі өткізе бастады, дейді кәсіпкер Әлібек Құралбек.
Сондықтан ол мейрамханаларды спорт мектебіне айналдыруға шешім қабылдаған. Сонымен қатар, бүкіл ауылда мұндай бірде-бір нысан болмаған.
“Әлі де тойхананың белгілері бар. Қиындықтар болды, бірақ жинастырып, жасап қойдық. Ауылда бірде-бір секция спорттық, шығармашылық үйірмелер мүлдем жоқ, сондықтан ашуды шештік. Мектепте футбол, волейбол бар, бірақ атап айтқанда бокс, дзюдо, еркін күрес сияқты олимпиадалық спорт түрлері бар үйірмелер жоқ”, – дейді Әлібек Құралбек.
Балалар спорт секцияларында мемлекет есебінен айналысатын болады. Барлығы мыңға жуық адам. Спорт түрін өз қалауыңыз бойынша таңдауға болады.
Арыс қалалық кәсіпкерлік бөлімінің басшысы Қуаныш Шойнақов мемлекеттік бағдарлама спорттық секциялар мен шығармашылық үйірмелерді қаржыландыруды қарастыратынын айтады.
“Арыс қаласында бес салтанат залын кәсіпкерлер қаржыландыратын болды”, – дейді ол.
Ғимаратта бір кездері керемет үйлену тойлары өтетін. Қазір бұл ерекше қажеттіліктері бар адамдарға көмектесетін әлеуметтік орталыққа айналған.
“Балалар бізге келгенде қуанады. Ересектерге де өте ұнайды. Олар демалыс базасындағыдай сезінеді. Келушілер орталыққа тегін барады. Біз мемлекеттен қаржылай көмек аламыз”, – дейді орталық қызметкері Гүлсая Едігеева.
Stan.kz
