Сырдағы қауіпті сең күшейтіп тұр

Мамандар алдағы тәулікте еліміздің көп аумағында қар жауатынын ескертеді. Оңтүстікте жаңбыр жаумақ. Ал Сырдарияның Көктөбе гидрологиялық тұрағынан жоғары тұсында мұздың кептелуінен су деңгейінің көтерілу қаупі бар.
ҚР Төтенше жағдайлар министрлігінің хабар­ла­уынша, «Қазгидромет» кәсіпорнының маман­дары ал­дағы тәулікте атмосфералық тарамдардың әсерінен жа­уын-шашынның мол болуы мүмкін екенін болжайды. Республика аумағының көп бөлігінде қар жауады. Оңтүстік Қазақстан және Жамбыл облыстарында жаң­быр жаууы ықтимал. Маңғыстау, Солтүстік Қазақстан, Аты­рау, Батыс Қазақстан облыстарында тұман мен көк­тай­ғаққа байланысты сақтандыру ескертуі жарияланды. Еліміздің оңтүстік және оңтүстік-шығыс аймақтарында жел екпіні 15-20 м/с-ке дейін күшейеді. Алматы об­лы­сының Жалаңашкөл көлі аумағында оңтүстік-шы­ғыс­тан екпіні 28 м/с-ке жететін жел соғады. Ма­ман­дар­дың гидрологиялық болжамына сәйкес, таяу күн­дері еліміздегі суқоймалардың көбінің мұзы қалыңдай тү­седі. Оңтүстік, оңтүстік-шығыс және шығыс аймақ­тар­да өзен-сулардың деңгейі көтерілуі мүмкін. Сыр­дария өзенінде жағдай әлі де қауіпті. Болжам бойынша, дарияның Көктөбе гидрологиялық тұрағынан жоғары жағында сең кептеле түсіп, тасқын қаупі сақталады.