Шымбұлақ шипажайы селге байланысты туристер үшін уақытша жабылды

Шымбұлақ өкілдері бүгін санитарлық күнге жабылатынын хабарлады. Бұл жаяу жүргіншілер көпірін қиратып, су алатын құбырдың істен шығуына әкелген селдің салдарымен байланысты, - деп хабарлайды Alashainasy.kz тілшісі Zakon.kz-ке сілтеме жасап.

Шипажайдың Instagram парақшасында мамандар су қабылдайтын бекетті лай мен тастан тазартып жатыр деп хабарлайды.

"21 шілдеде Тұйық-Су Альпі лагерінің маңында Малая Алматинка өзенінде табиғи апат болды - сел жүріп, жаяу жүргіншілер көпірін қиратып, су қабылдағыштың істен шығуына әкелді. Соның салдарынан Шымбұлақта су беру тоқтатылды. Біздің мамандар су қабылдағыш станцияны лайдан тазарту жұмыстарын белсенді түрде жүргізіп жатыр. Қолайсыздықтар үшін кешірім сұраймыз және түсіністік танытқандарыңызға алғыс айтамыз", - делінген хабарламада.

Температураның көтерілуі мен мұздықтардың еруіне байланысты Кіші Алматы шатқалының сағасындағы су деңгейі көтеріліп, соның салдарынан су ішуге жарамсыз болып отыр, деп хабарлайды Алматы қаласы Төтенше жағдайлар департаменті.

Сонымен бірге, Алматының тауларында жағдай тұрақты және Төтенше жағдайлар департаментінің бақылауында. Қазіргі уақытта көлдердің тасып, бекеттердің жарылып кету қаупі жоқ.

Соңғы сағатта көп оқылған жаңалықтар осында Massaget.kz