Сұлтанмахмұт кесенесін күтімге алады

Сұлтанмахмұт Торайғыров атындағы Павлодар мемлекеттік университеті Торайғыр ауылында орналасқан Сұлтанмахмұт кесенесін күтіп-қарауды өз мойнына алып отыр.
Ақын есімін ардақтау мақсатында таяуда Павлодар мемлекеттің университетінде әдеби кеш те өтті.
Қазақстан Республикасының Ұлттық академиялық кітапханасының және ҚР Кітапханалық ассоциациясының бастамасымен, ҚР Мәдениет және ақпарат министрлігінің қолдауымен өтіп жатқан «Бір ел – бір кітап» республикалық акциясына орайластырылған әдеби студенттер ақын өлеңдерін жатқа оқып, оқыған еңбектері бойынша пікір алмасты.
Мадина Тілеубекова - «Жас жүрек», Ұлжан Сабырхан «Оқып жүрген жастарға» өлеңдерін оқыды. Қазақ әдебиеті секторының кітапханашысы Жүрсиля Әбілдинова электрондық кітапты таныстырды, сондай-ақ, әдебиеттерді библиографиялық шолудан өткізіп, кітап көрмесін ұсынды.

Жанаргүл Қадырова,
Павлодар қаласы