Былтырдан бері дүниежүзі халқының өмірі өзгергенімен, көптеген қазақстандықтар әлі күнге дейін COVID-19 бар екеніне сенбейді. Олардың пікірінше, вирустың қарапайым "суық тигізу" ауруынан ауырмашылығы жоқ. Бұл туралы Stan.kz ақпарат агенттігі "31" арнаның "Информбюро" бағдарламасына сілтеме жасап хабарлайды.
Шымкент тұрғыны Талғат Әбдінәбиев COVID-ды – саясаткерлер мен фармацевтикалық компаниялар ойдан шығарғанына сенімді. Өкпенің қабынуынан болатын өлімнің жоғары деңгейі және ауруханалардың жанындағы жедел жәрдемнің кезегі оны керісінше сендірмейді.
"Пневмония бұрын да болған. Менің ойымша, бұл ауру жай ғана белсенді бола бастады және мұның бәрі қолдан жасалады. Бұл менің жеке пікірім. Есіңізде ме, тікұшақтардан шашыратып, зарарсыздандырды деген қаншама қауесеттер мен видеолар болды? Адамдардың ешқайсысы бұған сенбеді және тыныш өмір сүрді. Бірақ содан кейін пневмония пайда болды. Бастапқыда барлығы тек ковид туралы айтатын", - деді Талғат Әбдінәбиев.
Әлеуметтік желі қолданушылары да COVID және вакцинаға сенбейтіндері туралы жазады. Адамдар әлі де бетперде тартудан бас тартады, той жасайды, қоғамдық орындарға барады. Дәрігерлер де коронавирусты жоққа шығарушылармен жиі кездеседі, бірақ мұндай ұстанымдағы адамдар саны күн сайын азайып жатқанын да жасырмайды.
"Барлық емханаларда психологтар жұмыс істейді. Біз, мамандар ретінде бұл мәселе туралы ойладық. Біз сұрадық: "Неге?». Біз фактілерді келтіреміз, көрсетеміз, бұл бүкіл әлемде өршіп тұр, өлгендер көп", - деді Шымкент қаласы Денсаулық сақтау басқармасының басшысы Бақытжан Пазылов.
Коронавирусқа сенбейтіндердің лақап аты бар екен - ковидиоттар. Оларды өздері ауырған немесе коронавирустың салдарынан жақындарынан айырылған адамдар осылай атайды. Дәрігерлер мен психологтар болса адамдар коронавирусты қорыққан оны мойындамайды деп санайды.