Қазақстанда әуе тасымалы құны өсті, - деп хабарлайды Energyprom.kz.
"Биыл шілдеде әуе көлігі қызметтері бағасы жылдық қарқынмен 10,5 пайызға өсті. Өңірлер арасында Жетісу облысының тұрғындары қымбатшылықты қатты сезінді, мұнда баға бірден 52,7 пайызға өсті. Антилидерлер үштігіне Қызылорда (өсім 46,9 пайыз) және Солтүстік Қазақстан (өсім 15,9 пайыз) облыстары да кірді", - делінген хабарламада.
Батыс Қазақстан облысында баға былтырғыдай қалды. Ал еліміздің 6 өңірінде әуе көлігі қызметі арзандады:
Қарағанды облысында;
Алматы қаласында;
Шығыс Қазақстан облысында;
Түркістан қаласында;
Жамбыл облысында;
Ұлытау облыстарында.
Биыл бірінші жартыжылдық қорытындысы бойынша авиакомпаниялар 5,9 миллион адам тасымалдады. Бұл былтырмен салыстырғанда 27,8 пайызға артық.
Ең көп жолаушы Алматыға жеткізілді: 2 миллион адам, оған қоса жылына 28,5 пайыз. Одан кейін Астана (1,6 миллион адам) мен Шымкент (555,6 мың адам) тұр.
Ең аз жолаушы Алматы облысында тасымалданды: тек 2,8 мың адам.