Өскемен мектептерінде қатты аяздың салдарынан бірінші ауысыммен оқитындарға сабақ болмайды. Бұл туралы Yk.kz сайтына сілтеме жасап NUR.KZ порталы хабарлайды.
Қалалық білім бөлімі мәлімдемесіне сәкес, бүгін таңертең аймақтағы ауа райы -34 градусқа жеткен, ал жел 1 м/с жылдамдықпен соғуда.
1-11 сынып оқушылары, колледждің 1-2 курс студенттері мұндай ауа райында сабаққа бармайды. Екінші ауысымдағыларға сабақтың болу-болмауы қосымша хабарланатын болады.
Астанада да I ауысымдағы 1-4 сынып оқушыларына сабақ болмайды деп хабарлайды 24.kz.
Астана қаласының Төтенше жағдайлар департаменті хабарлайды. Білім басқармасының шешімі бойынша 16 қарашада ауа райының қолайсыздығына байланысты (қатты аяз) қала мектептерінің I ауысымдағы 1-4 сынып оқушыларына сабақ болмайды.