«Қарлығашқа» қамқорлық

Абай атындағы Қазақ ұлттық педагогикалық университетінде тағдыр қыспағына алынған, бүгінде Алматыдағы №1 балалар үйінің «Қарлығаш» тобының тәрбиеленушілері үшін қайырымдылық кеші өтті.
Бүгінгі қоғамда ата-анасының қамқо­рын­сыз қалған жетім-жесірлердің көбе­йіп кеткені кімді де болсын алаң­дат­пай қой­масы анық. Олардың жай-күйі жанашыр жандардың, атымтайжомарттардың есінен шыққан емес. Қасиетті Құран Кәрім­нің «Ниса» сүресінің 9-аятында: «Кім­де-кім артында қалатын ұсақ (жас) бала­ла­рына қандай қамықса, басқалар­дың же­тім қалған ұсақ (жас) балалары үшін де сон­дай қамықсын. (Жетімдер туралы) Ал­ладан қорқып, турасын айтсын», – делін­ген. Осындай ізгілікті ұстанған университет ұстаздары мен студенттері жуырда кезекті қайырымдылық шарасын өткізді.
Оқу орнындағы Теориялық және қол­данбалы тіл кафедрасының «Тағылым» клу­бы ұйымдастырған шараға балалар үйі­нен 20 бала шақырылды.
Білікті ұстаз Фариза Қарақұлованың жетек­шілігімен өткен кеш барысында ба­ла­ларға сту­денттер дайындаған кон­церт­тік бағ­дарлама ұсынылды. Кеш соңын­да қонақтарға сый-сияпат көрсе­тіліп, сту­дент­тердің өздері жинаған қаржы­­лай көмегі тапсырылды. Осындай игі шара­ларға бас­тамашы болып жүрген универ­ситеттің фи­ло­логия факультетінің деканы, профессор Балтабай Әбдіғазиұлы бұл бағыттағы қайы­рымдылық акциялары алдағы уа­қыт­та жалғасын табатынын атап өтті. Кеш соңында балаларды ертіп келген топ тәр­биешісі Гүлбаршын Құрманбекқызы ұй­ым­дастырушыларға, жас студенттерге ал­ғысын білдірді.