ҚАРАҒАНДЫ. 11 сәуір. Қарағанды қаласының Майқұдық шағын ауданында кішкентай қызға педофил шабуыл жасап, арам ойын жүзеге асырған. Бұл туралы облыстық ішкі істер департаментінің баспасөз қызметі хабарлады. Хабарламада көрсетілгендей, 9 сәуірде 35-40 жас аралығындағы ер адам тұрғын үйлердің бірінің кіре берісінде кішкентай қызды зорлаған. Әзірге жәбірленушінің көмегімен педофилдің бет-әлпетінің жобасы жасалды. Қазіргі таңда Қылмыстық кодекстің 124-бабы бойынша қылмыстық із қозғалып, тергеу амалдары басталып кетті. Еске сала кетейік, үстіміздегі жылдың 31 наурызында Қарағанды қаласының №16 шағын ауданында дәл осындай оқиға тіркелген-ді. Сол кезде де жәбірленуші қыз бала өзіне шабуыл жасаған педофилдің түр-түсін суреттеп берген-ді.
Айқын Несіпбай.
Дерек: Қарағанды облыстық ішкі істер департаментінің баспасөз қызметі.