Қант қызылшасын жинау қызу жүргізілуде

Қараша айының алғашқы күнінен бастап Меркі қант зауыты Қордай, Шу, Тұрар Рысқұлов, Меркі аудандарындағы егіс алқап­тарынан жиналған қант қы­зыл­шасын қабылдай бас­тады. Облыста қызылша өн­ді­рісін өркендету мен қант өн­дірісін дамытудың 2008-2012 жылдарға арналған бағ­дарламасы қабылданған бола­тын.
2009 жылы қант қызылшасы облыс бо­­йынша 1 679 гектарға егілсе, 2010 жылы 5 933 гектарға егіліп, оның 4 800 гектарын­дағы өнім жиналып алынған болатын. Бұ­ры­нырақта облыста 42 мың гектарға егіліп, гектарынан 300 центнерге дейін өнім жи­на­лып алынатын. Бүгінгі көр­сеткіш оған жуықтамаса да, алдағы уақытта осы деңгей­ге жеткізу жоспарда бар.
Мұрат Әсілбеков, Облыстық ауылшаруашылығы басқармасының бастығы:
– Биыл қант қызылшасы 7 028 гектарға егілді. Қазан айының соңына дейін 1 553 гектардың өнімі жиналып алынды. Ол 22,1 центнерді құрап отыр. Бар жиынтығы 32 345 тонна болса, орташа өнімділігі гекта­рына 208,3 центнерді құрап отыр. Өткен жы­лы қант қызылшасының өнімділігі гекта­ры­на 136,6 центнер болса, биылғы өнімді­лік одан жоғары.