Павлодарда ТЖД қызметкерлері Усолка өзеніне батып кеткен жігіттің денесін тапты, деп хабарлайды Azattyq Ruhy.
Күндіз сағат 15:33-те қашықтан басқару пультіне Усолка көпірінің маңында адамның суға батып бара жатқаны туралы хабарлама түскен.
«Оқиға орнына жедел-құтқару жасағының 5 қызметкері екі құтқару қайығымен шықты. Медициналық қызмет қызметкерлері - 4 адам, 7 полиция қызметкері, ТЖ департаментінің 3 қызметкері жетті.
Жігіт құтқарушылар келгенге дейін суға батып кетті. Іздеу жұмыстары жүргізілді. 16:06-да мәйітті сүңгуірлер жағадан 20-25 метр қашықтықта, 2-3 м тереңдікте тапты», - делінген хабарламада.
Белгілі болғандай, суға батып кеткен жігіт 2006 жылы туған, ПМУ колледжінің бірінші курс студенті.
Олар жағажайға 3 адам болып демалуға келген. Жастар шомылуға рұқсат берілмеген жерде суға түскен. Марқұм суға бата бастағанда, досы оған қарай жүзіп, оны шығарғысы келді, бірақ ол оған қарсылық танытқан. Достарының айтуынша, олар алкогольді ішімдіктер ішпеген.