Отбасы күніне арналған отбасылық сайыс

Алматы қалалық Алатау ауданына қарасты №154 Иштван Қоңыр Мандоки атындағы аралас мектепте «Толағай» отбасылық сайысы өтті. Аталмыш мектепте бесінші рет ұйымдастырылып отырған отбасылық спорттық сайыс биыл елімізде алғаш рет аталып өтіп отырған Отбасы күніне сәйкес келіп отыр. Мектеп басшысы Қаламқас Алмасбаева «қоғамда Отбасы күнінің маңызы зор. Ал Отбасы күніне арналып өтетін іс-шаралар Отбасы күнінің маңызын арттыра түседі» дейді.
Мектептегі 4-сыныптар арасында өткен спорттық сайыста балаларымен қосылып, олардың ата-аналары да қаппен секіру, арқаннан өту, кенгуру секілді түрлі сайыс түрлерімен бақ сынасты.
Маржан ЕРТАЙҚЫЗЫ, Алатау ауданы әкімінің орынбасары:
– Биыл Отбасы күнінің елімізде ал­ғаш рет тойлануы қоғам тарапынан қызу қолдау тапты. Ауданымызда От­басы күніне орай көптеген іс-шаралар өт­кізілуде. Олардың бірқатары Отбасы кү­ніне дейін өтсе, Отбасы күнінен кейін де іс-шаралар жалғасын тауып жатыр. Со­лардың бірі – осы мектепте ұйым­дас­тырылып отырған «Толағай» отба­сы­лық сайысы. Аудан көлемінде «От­ба­сылық құндылық» тақырыбында кон­­ференция өткіздік. Ауданымызда 22 мек­теп бар. Сол мектептердің бар­лығында аналар және әкелер кеңе­сі құрылды. Мәселен, қазір мектепте ер мұғалімдер өте аз. Осындайда әке­лер кеңесі мектеп өміріне белсене ара­ласып, мектептегі ер адамның тәр­биесін оқушылардың бойына сіңіруге атсалысады деп ойлаймын. Аудандық АХАЖ бөлімінде сол күні отбасын құр­ған жас жұбайларға шаңырақ көтер­ген­деріне 50 жыл, 30 жыл болған үл­гілі отбасыларды шақырып, батасын алып бердік. Олар жас жұбайларға өз ба­та­ла­рын беріп, сый-сияпат көрсетті, өмір­лік тәжірибелерімен бөлісті. Қазір қо­ға­мымызда ажырасып жатқан от­­ба­сылар өте көп. Осындайда өмірлік тә­жірибесі мол, отасқандарына ұзақ жыл болған ерлі-зайыптылар үлгі бол­са, шаңырақтардың шайқалуының ал­дын алуға ықпал етсе деген оймен осындай шаралар ұйымдастырылды. Сондай-ақ отасқандарына 60 жылдан асқан отбасылардың үйлеріне барып, ар­найы әкімдік атынан сый-сияпат жа­салды. Мектептерде ашық сабақтар ұйым­дас­ты­рылып, емханаларда отба­сы­лық дә­рігерлер ашық есік күндерін өт­кізіп, тұр­ғындарға ем-дом жасады. Мем­лекет шағын отбасылардан тұра­ды. Ен­деше, еліміздегі әрбір отбасы тату-тәтті әрі көпке үлгілі болуы керек.
Қаламқас АЛМАСБАЕВА, №154 Иштван Қоңыр Мандоки атындағы аралас мектептің директоры:
– Ата-ана мен ұстаз бірігіп, бірге қимылдағанда ғана оқушының бойына білім мен тәрбие қатар сіңіріліп, үлгілі, тәрбиелі ұрпақтың өсуіне ықпал етеді. Осы орайда біз ата-аналарды мектеп өміріне жиі араластыруға тырысамыз. Жыл сайын дәстүрлі түрде мектебімізде өтетін «Толағай» спорттық сайысы осы­ның мысалы деуге болады.