Мақтарал ауданында Қазақстан Республикасы Тәуелсіздігінің 25 жылдығында салалар бойынша жеткен жетістік көрсеткіштерін насихаттау мақсатында құрылған облыстық ақпараттық-насихаттық топ мүшелері Мақтарал ауданы тұрғындарымен кездесіп, семинар өткізді, деп хабарлайды аудан әкімдігінің баспасөз қызметі.
Семинарға облыстық ақпараттық-насихаттық топ мүшесі, Оңтүстік Қазақстан мемлекеттік педагогикалық институтының доценті, техника ғылымдарының докторы Анарбаев Қайрат Сапарханұлы, облыстық ішкі саясат басқармасының өкілі Исахан Гүлжаухар, қала, кент, ауыл және ауылдық округ әкімдері, білім саласының қызметкерлері, ақпараттық-насихаттық топ мүшелері қатысты. Семинар барысында Қайрат Анарбаев еліміз егемендік алған 25 жыл ішінде облыс экономикасының қарқынды дамып, оның ішінде индустриялық-инновациялық бағдарламаның белең алып келе жатқанына кеңінен тоқталды. Сонымен бірге мәдениет, білім, спорт, денсаулық салаларының да көптеген жетістікке жеткенін атап өтіп, халықпен кездесу барысында тәжірибелерінің әдіс-тәсілдерімен бөлісті. Жалпы, ауданның 25 жылда жеткен жетістігі ауқымды. Экономиканың түрлі салалары бойынша көрсеткіштер де жыл сайын еселене түсуде.