Нұрболхан Шарапов отбасындағы қаржылық проблемаларды өз мойнымен көтерген азамат. Бұны өзі ашық мойындайды. Алдымен әке-шешесінің жағдайын жасап, содан соң өз қамына кіріскен. Жағдайым жақсарған соң ғана шаңырақ көтердім дейді әзілкеш.
Бұл туралы Шарапов Зарина Мүсліммен болған сұхбатында айтты.
"Менің отбасымда қиын кездер көп болды. Әкем ауырды. Материалдық қиындықтар болды. Соның бәрін реттеу керек болды. Алдымен ақша жинадым. Тойға шықтым. Ата-анама коттедж үй салып бердім. Содан кейін ғана өз жағдайыма кірістім. Қазір пәтерде тұрып жатырмын. Бірақ үйім бар. Алматыдан үлкен үй алдым. Көлемі 194 шаршы метр. Тек кілтін алған жоқпын. Карантинге байланысты кілтін ғана ала алмай отырмыз. Кілтін қолыма алған соң халықтан сүйінші сұрайын дегенмін. Қазір бәрін айтып отырмасаң, ешкімге қызық емес болып кетесің", - деді ол.
Нұрболханның айтуынша, жігіт жағдайын жасаған соң үйлену мәселесін ойлану керек. Себебі қазір қыздар жақсы жерде тұрғысы келеді.
"Жағдайың дұрыс болмағаны себепті ажырасу мәселесі де көп. Оны мойындау керек. Кімнің жаман жерде тұрғысы келеді. Бұрын бас қосып алған соң барып жағдайын жасап жататын. Бірақ қазір ондай заман емес", - деді әзілкеш.