Нұр-Сұлтандағы № 3 көпбейінді қалалық балалар ауруханасында сорпа ыдысынан құрт табылды. Баланың әкесі - Білім және ғылым министрлігі Ұлттық тестілеу орталығының директоры Дидар Смағұлов Facebook-тегі парақшасында болған жағдай туралы жазды, деп хабарлайды Stan.kz ақпарат агенттігі.
Смағұлов баласының үш сағат бойы дәрігердің қабылдауын күтіп, өзін нашар сезініп, дәлізде отырғанын жазды.
"Мен ауыз су мен кейбір заттарды отбасыма ауруханаға жеткізу үшін достарыма қоңырау шалып, оларды қозғауға мәжбүр болған кезде шу көтермедім. Мен жұмыста болдым және тек кешкі сағат 19.00-ден кейін шыға алатын едім. Отбасым диеталық кешкі ассыз қалған кезде де мен ешқайда шағымданбадым, негізінде ол үшін біз күн сайын төлейміз, өйткені "асхана дұрыс есептемей қалған". Бірақ аурухана балаңызға ішінде құрт жүрген тамақ әкелгенде, ең шыдамды адамның сабыры таусылады.
"Балам дәлізде 3 сағат отырып, дәрігердің қабылдауын өте нашар (жұмсақ тілмен айтқанда) күйде күткенде де мен үндемедім! ...
Естеріңізге сала кетейін, бұл жағдай қазір Отанымыздың астанасында, дәл ЭКСПО-ға қарама-қарсы орналасқан ауруханада болып жатыр!", - деп жазды 13 қаңтарда Facebook-тагі жазбасында Смағұлов.
Нұр-Сұлтан қаласының денсаулық сақтау басқармасы № 3 көпбейінді қалалық балалар ауруханасында құртпен болған оқиғаға қатысты қызметтік тергеу жүргізіліп, таратушыларға қалыптасқан жағдайға түсініктеме беру жөнінде хат жолданғанын хабарлады.
"Қызметтік тергеу аяқталғаннан кейін бөлімшелердің тарату бөлмелері таратушылардың жұмысын бақылауды күшейтті. Күн сайын сағат 08.00-ден 18.00-ге дейін бөлімшелердегі тарату бөлмелерінің жұмысы, санитариялық-эпидемиологиялық режим, қораптармен азық-түлік тарату процесі және басқалары бақыланады", - деп хабарлады ведомствода.
Аурухана жаңа ыдыс сатып алғаны да хабарланды.
"Кінәлі таратушы жұмыстан шығарылды. Сол кеште қалған науқастар үшін кешкі ас ұйымдастырылып, жеке ыдыс-аяқта берілді. Тамақ таратушыларға санитарлық-эпидемиологиялық режимді сақтау, медициналық этика мен деонтологияны сақтау бойынша қосымша нұсқаулықтар жүргізілді. Біз қабылдаған шаралар осындай жағдайлардың туындауының алдын алуға қызмет етеді. Кешірім сұраймыз!"- деді денсаулық сақтау басқармасында.
Еске сала кетейік, ұқсас оқиға Ақтауда болған. Маңғыстау облысындағы балалар жұқпалы аурулар ауруханасы пациенттерінің тамағының ішінен құрт пен тарақандар шыққан.