Көшу үшін 84 000 еуро: бұл арал жаңа азаматтарды ақшамен тартады
Демографиялық дағдарыспен күресу үшін Ирландиядағы арал басқа елдердің тұрғындарын көшіру үшін ақы төлеуге дайын, - деп хабарлайды Tengritravel.kz тілшісі.
Ел үкіметі Ирландияға көшіп келем деушілерге 60 000-нан 84 000 еуроға дейін айтарлықтай жақсы өтемақы ұсынады. Осылайша, билік жергілікті қауымдастықтарды құтқарып, жастарды аралға көшуге шақырғысы келеді. Ол үшін аралдарды дамыту бойынша он жылдық бағдарлама - Living Islands әзірленді.
Бір шарт - алынған ақша бос немесе жартылай қараусыз қалған үйлерді қалпына келтіруге жұмсалуы керек. Ауылдық және қауымдастықтарды дамыту министрі Гизер Гемфристің айтуынша, бағдарлама бастау үшін 5 қауымдастыққа - Слиго, Донегал, Майо, Голвей және Коркке әсер етеді. Қазір онда тек 2700 адам тұрады. Соңғы 27 жылда ел халқы 13 пайызға қысқарды. Бағдарламаға 1,9 миллион еуро бөлінеді.
Аралда баспана сатып алғысы келген басқа елдің кез келген азаматы өтемақы ала алады. Бұл сома ғимараттың қаншалықты жақсы жөнделгеніне байланысты болады. Үйлердің көпшілігі нашар жағдайда болғандықтан, жаңа иелері жеке қаражатын салуға мәжбүр болуы мүмкін. Ақша мен жаңа азаматтықты алу үшін сіз тіркеліп, аралдарда ұзақ уақыт болуды жоспарлап отырғаныңызды растауыңыз керек.
Сонымен қатар, билік ауылдарда ыңғайлы жағдай жасауға, соның ішінде жылдам интернет орнатуға және тұрғындар медициналық кеңес ала алатын арнайы кабиналар орнатуға уәде береді.
