Көктөбеде мұражай мен киноорталық салынады

Көктөбедегі телеорталық мега орталыққа айналатынға ұқсайды. Келер жылы телемұнараны туризм объектісі ретінде пайдалану туралы жоба іске асырылады. Болашақта телеорталық аумағындағы саябақта табиғи мұражай, сауық-сайран мен кино орталықтары, аттракциондар және галереялар болады.
«Көктөбе» телеорталығы аумағында демалыс және спорт саябағын жасау жұмысы келер жылы басталады», – деп хабарлайды Алматы қаласы әкімдігінің баспасөз қызметі. Модернизациялау жоспарының бас жоба­лаушысы, Дизайнерлер одағының пре­зиденті Тимур Сүлейменов. Оның айтуынша, «Көктөбе» таулары үлкен рекреациялық аймақ жасауға мүмкіндік береді. Ал маман­дардың пікірінше, инженерлік зерттеу жүргізу үшін 25 миллион теңге қажет. Жұмыс ендігі жылы қолға алынбақ. Телеорталық аумағындағы саябақта Алматының табиғи мұражайы, сауық-сайран орталығы, балалар мен жасөспірімдер алаңы, кино орталық, аттракциондар, салтанат залы, Қазақстан халықтары мәдени орталықтарының галерея­лары болады.
Естеріңізде болса, осыдан екі жыл бұрын қала басшысы «Көктөбедегі» телемұнараны туризм нысаны ретінде пайдалану туралы ұсыныс жасаған болатын. Наурыз айында реконструкциялауға қатысты келісімшартқа көлік және ком­муникация министрімен бірге қол қойылды. Келісімшартта телеорталықты жаңалау, техникалық ғимараттың фасадын жаңарту, ландшафттық аймақ құру, туристік мақ­саттарға пайдаланылатын бөлмелерді қайта жасау сияқты маңызды істер қамтылған.