Көктен түскен сегіз әйел

Павлодар облысында зейнет жасына жақындаған сегіз әйел АН-2 ұшағынан парашютпен секіріп, ерлік жасады. Бұл әрекеті арқылы олар еліміздегі зейнетақы жүйесін жетілдіруге қатысты өздерінің қолдауын білдірді.
2700 метр биіктіктен секірген әйелдердің қата­рында 57 жастағы Татьяна Хомутова да бар. Салауат­ты­лықты бала кезінен серік еткен азаматша үшін пара­шют­пен секіру асқақ арман болғаны қашан. Сондықтан өңірі­міздегі парашют спорты федерациясы маман­да­рының көмегіне жүгініп, тиісті жаттығу шараларына қатысқан. Сөйтіп, көктегі құспен таласып, аспан күшін сезінуге мүмкіндік алған.
Зейнет жасына жақындап қалған Татьяна Федо­ров­на өмірінің 39 жылын бала тәрбиесіне арнапты. Бүгінде ол облыс орталығындағы №1 балабақшада жемісті еңбек етіп жатқан жайы бар.
Татьяна ХОМУТОВА, Павлодар қаласындағы №1 бала­бақшаның тәрбиешісі:
– Еліміздегі зейнетақы жүйесін жетілдіру заман талабына сай жасалған шешім деп білемін. Әсіресе әйелдердің зейнетке шығу жасын ұзарту мәселесі талқылану үстінде. Бұл экономикасы күн санап қарыш­тап дамып жатқан Тәуелсіз мемлекетіміз үшін қажет дүние ғой. Өз басым зейнеткерлікке шы­ғуға асықпаймын. Жаным да, тәнім де жас! Еңбек етуге әзірмін!