Ішкі әскерлердің құрылу күні аталып өтті

Алматыдағы №5571 әскери бөлімінің клубында еліміздің Ішкі әскерлерінің құрылу күніне арналған мерекелік шара өтті.
Шараға Құқық қорғау, қылмыстық-ат­қа­ру жүйесі комитетінің, жергілікті мемле­кеттік басқару органдарының, қоғамдық ұйымдар жетекшілері мен өкілдері, Ішкі әскер және күштік құрылымдардың арда­гер­лері қатысты. Мерекелік жиында ән са­лынып, би биленді. Ішкі әскерлер Алматы құрамасының жеке құрамы былтырғы жыл­ғы жұмыстарына есеп берді.
1992 жылдың 10 қаңтарында Қазақ­стан Республикасы Президентінің Жарлы­ғымен ІІМ Ішкі әскерлері құрылған бола­тын. «ҚР ІІМ Ішкі әскерлері туралы» Заңға сай, Ішкі әскерлерге қоғамдық тәртіп пен қауіпсіздікті қорғау, түзеу мекемелері мен маңызды мемлекеттік нысандарды күзету, сотталғандар мен қамауға алынғандарды айдауылдау, төтенше жағдайлардың сал­да­рын жою сынды міндеттер артылды. Құ­рылған сәтінен бастап әскер жеке құрамы алдына қойылған міндеттерді абыроймен атқарып, Қазақстан Республикасы азамат­та­рының қауіпсіздігі мен конституциялық құқықтарының сенімді қорғанына айнал­ды. Ішкі әскерлер Алматы құрамасының же­ке құрамының баспасөз қызметкері Дар­хан Мұқановтың айтуынша, 2012 жылы Ішкі әскерлер Алматы құрамасының жеке құрамы қоғамдық тәртіп пен қауіпсіз­дікті қорғау жұмысы бойынша 790 тап­сыр­ма орындап, 8191 бұзақыны қолға тү­сірген, олардың 1823-і – қылмыстық, 6368-і – әкімшілік құқық бұзушылар. Сегіз дана отты қару мен 14 дана суық қару, бір жарылғыш зат, 72,44 грамнан астам есірт­кі заты тәркіленді. Осы жылы құрама әскери қызметшілері сонымен қатар Ұжым­дық қауіпсіздік келісімшарты ұйы­мы­ның бірлескен «Мызғымас бауырлас­тық-­2012» бітімгерлік жаттығуына, Ақсай шатқалында қауіпті қылмыскерлерді із­дес­тіру бойынша жедел шараларға қатыс­тырылды. Былтыр «Бүркіт» арнайы мақ­сат­тағы жасағының жеке құрамы Алматы қалалық ІІД-мен бірге ұйымдасқан қыл­мыстық топ мүшелерін ұстау бойынша 16 арнайы операцияға жұмылдырылған. Нә­ти­жесінде 10 қылмыскер ұсталып, 8 мың данадан астам контрафактілі өнім, 10 келіден астам есірткі заттары тәркіленді.
Түзеу мекемелерін күзету бойынша қарауылдар 2098 тапсырма орындаса, 138 түзеу мекемесіне тыйым салынған заттарды сырттан лақтырудың алды алы­нып, 88 дана тыйым салынған заттар анық­талған. 386,5 литр спирттік ішімдік, 27 000 теңге ақша, 38 дана қалта телефо­ны тәр­кі­ленді. Барлығы 13 371 сотталған­дар мен қамауға алынғандар айдауыл­данды.