Бүгін жекелеген өңірде 45 градусқа дейін ыстық болады
Қазгидромет ел аймақтарында 25 шілдеде болатын қауіпті метеорологиялық құбылыстарға болжам жасады, - деп хабарлайды Alashainasy.kz тілшісі "ҚазАқпарат"-қа сілтеме жасап.
Атмосфералық фронтальды бөлімдердің өтуімен еліміздің басым бөлігінде ауа райының тұрақсыз сипаты сақталады. Найзағай ойнап, жаңбыр жауады, елдің батысында қатты жаңбыр күтіледі. Тек елдің оңтүстігінде, солтүстігінде, орталығында ауа райы негізінен жауын-шашынсыз болады. Республика бойынша жел күшейіп, солтүстікте түнде және таңертең тұман түседі.
«Күндіз Жамбыл, Қызылорда, Түркістан, Алматы, Жетісу, Абай, Ұлытау облыстарында, Маңғыстау, Қарағанды, Ақтөбе, Шығыс Қазақстан облыстарының оңтүстігінде 35-43°С қатты ыстық болады.
Күндіз Алматы облысының солтүстігінде, орталығында 42°С өте қатты ыстық сақталады, Түркістан облысының батысында, шөлді аудандарында 45°С, Ұлытау облысының оңтүстігінде 40°С өте қатты ыстық күтіледі.
Алматы, Түркістан, Жамбыл, Шығыс Қазақстан, Қарағанды, Маңғыстау, Ұлытау, Жетісу, Абай облыстарында, Қызылорда облысының орталығында, шығысында, Павлодар облысының оңтүстігінде, Ақтөбе облысының орталығында, Атырау облысының батысында, солтүстігінде, Ақмола облыстарында оңтүстігінде, батысында төтенше өрт қаупі сақталады», - деп жазды синоптиктер.
Сонымен қатар Солтүстік Қазақстан, Ақмола облыстарында, Атырау облысының басым бөлігінде, Қостанай облысының оңтүстігінде, Маңғыстау облысының батысында, солтүстік-шығысында жоғары өрт қаупі сақталады.
Соңғы сағатта көп оқылған жаңалықтар осында Massaget.kz
