Мамандар еліміздің алты облысында бұршақ жауатынын ескертеді. Сонымен бірге республиканың көп бөлігінде жаңбыр жауып, дауыл тұрады.
«Қазгидромет» кәсіпорны мамандарының мәліметінше, алдағы тәулікте Ақмола, Маңғыстау, Атырау, Батыс Қазақстан, Оңтүстік Қазақстан, Алматы, Жамбыл, Қызылорда облыстарында 15-20 м/с жел соғады. Оңтүстіктегі облыстар аумағында топырақ борайды. Ақтөбе, Қостанай, Солтүстік Қазақстан, Павлодар, Қарағанды, Шығыс Қазақстан облыстарында бұршақ жаууы мүмкін. Алматы мен Жамбыл облыстарында қатты ыстық сақталады. Айта кетейік, маусымның 16-сы күні Жамбыл облысының Шу ауданында ірі бұршақ жауып, 200-ге жуық мал қырылып, 500-ден астам баспана зақымданған болатын. Егіс алқаптары да бүлінді. Мамандардың есебінше, бұршақ өңірге 260 млн теңге көлемінде шығын келтірді.
Бірнеше аймақта бұршақ жауады
Последние статьи автора