Ауыр жол апаттан аман қалған балуандардың бірі қазір өте ауыр жағдайда. Бұл туралы Жамбыл облысының денсаулық сақтау басқармасы өкілдері мәлімдеді, деп хабарлайды Stan.kz ақпарат агенттігі.
Еске сала кетейік, жол апаты 3 тамызда болған. Бес балуаннан тұратын топ Алматы-Тараз трассасында апатқа ұшырады. Еркін күрес балуандары Жақсыбек Қарабалаев пен Байбазар Жанбота оқиға орнында қаза тапты. 4 тамызда халықаралық спорт шебері болған Ілияс Жұмай ауруханада көз жұмды.
Тағы екі балуан - Зауытбек Нұрдәулет пен Шыңғысхан Мұхаметқалиев өмір үшін күресіп жатыр. Олардың біреуінің жағдайы өте ауыр деп бағаланады.
"Қордай ауруханасына 1998 және 1999 жылы туған екі науқас түсті. 1999 жылы туған жас жігіт Мұхаметқалиевте мидың церебральды ісінуі болды. Оның бүгінгі жағдайы өте ауыр. Кеше оған операция жасалды. Қазір ол комада, санавиация тудырды.
Екінші науқастың жағдайы орташа, тұрақты. Ол да көптеген жарақат алды", - деді облыстық денсаулық сақтау басқармасының баспасөз хатшысы Толқын Өмірбекова.
Бұған дейін Алматы-Тараз тас жолында қазақстандық спортшылар апатқа ұшыраған қайғылы оқиғаның егжей-тегжейі белгілі болған еді.