Бигелді Ғабдуллин бопсалау үшін түрмеде отырмайды. Сот оның бостандығын шектеуге үкім шығарып, сот залында қамаудан босатты
Сот Бигелді Ғабдуллинді мүлкін тәркілеусіз бес жылға бостандығын шектеп, пробациялық бақылау орнату туралы үкім шығарды, деп хабарлайды Sputnik Қазақстан тілшісі сот залынан.
Сот отырысы жартылай жабық тәртіпте өтті. Сот журналистерге процесс кезінде аудио-, фото- және бейне түсірілім жасауға тыйым салды. "194-баптың 4-бөлімі, 2-тармағы бойынша кінәлі деп танып, бес жылға бос бостандығын шектеу түріндегі жаза тағайындалсын. Пробациялық бақылау орнатылсын. Бұлтартпау шарасы ешқайда кетпеу туралы тілхатқа өзгертілсін. Сот залында бірден босатылсын", — деп оқыды үкімді судья Ыдырысов.