Бекірені заңсыз сатқандар ұсталды

Ақтау қаласында бекіре балықтарын заңсыз сатумен айналысқан екі азаматша қолға түсті. Олардан барлығы 60 келі балық өнімі табылған. Заң бұзғандарға қатысты қозғалған іс жан-жақты тексеріліп жатыр.
ҚР Ауыл шаруашылығы министрлігі баспасөз қызметінің хабарлауынша, та­мыздың 27-сі күні Ақтау қаласында заңсыз жол­мен бекіре балығын сатумен айна­лыс­қан К.Бітімалиева ұсталды. Екі күннен ке­йін Маңғыстау облыстық балық инс­пек­ция­сы басқармасының инспек­торлары мен Маңғыстау облыстық ішкі істер депар­та­менті табиғат қорғау полициясының қыз­меткерлері дәл осындай іспен айна­лыс­қан Ж.Жапақованы да қолға түсірді. Олардың әрқайсысынан 30 келі бекіре ба­лығы тәркіленді. Аталған деректер бо­йын­ша материалдар тергеу орындарына жіберілген. Жуық арада процессуалдық шешім қабылданатын болады.